ITLOG, Maputi, Malaman, Masustansya, Masarap kasama sa breakfast, Madaling lutuin, Madaling Kainin, Kasama na sa lutong pinoy, Kasama sa hapag kainan, Kasama kapag nagkakainan, Ingatan lang ang pagkain ng madalas, Pantawid gutom, Mura lamang, Ngunit mahal kapag nabuo…lols…

Ito ang aming ulam sa pananghalian ngayon, nilahukan ko ng SARDINAS, na mayamn sa Omega-3!
Madaliang paghanda ng makakain ngayong araw ng Linggo, HOLIDAY yata sa buong mundo, araw ng mga MANGGAGAWA!

Tinatamad akong magluto ng medyo matrabahong lutuin at ayaw kong tumayo sa kusina ng matagal kaya heto muna ang pinagtiyagaan naming mag-ina. Iginisa ko sa sibuyas naputi ang Sardinas na walang kaliskis at walang tinik bago binuhusan ng nabating limang pirasong itlog. VOALA!

Maramihan kami kung mamili ng itlog, tray per tray gaya ng nasa larawan. Pero hindi ibig sabihin ay puro itlog nalang ang aming ulam sa tuwing ako ay sinusumpong ng sakit na “TAMARITIS”…hehehe…madalas ay ginagamit ko sa pag bake, kaya ganyan karami.